स्वर्गीय नन्दबहादुर नेपालीको परिवारलाई सहयोग जुट्दै

धादिङ– धादिङको सिद्धलेक गाउँपालिका-१ बैरेनीका स्वर्गीय नन्दबहादुर नेपालीको परिवारलाई सहयोग जुट्न थालेको छ। छरछिमेक टोल बस्तीका नागरिकहरूले नेपालीको नाबालक छोराछोरी र बिरामी आमाको उपचारका लागि सहयोग जुटाएका हुन् ।

घर घरमा पुगेर सहयोगको अपिल गर्दै उनीहरूले जुटाएको एक लाख ५० हजार रुपैयाँ नेपालीको परिवारलाई हस्तान्तरण गरिएको छ। । सहयोग रकम उठाउनेहरूले मृतक नेपालीको परिवारलाई सहयोग गरिदिन अपिल गरेका छन्। देशविदेशमा रहेका सहयोगी मनहरुले उनको परिवारलाई सहयोग गरिरहेका छन्। उनको परिवारको लागि अझै सहयोग जुटाउने सहयोग संकलन गरिरहेकाहरुले बताएका छन्।

४० वर्षीय नन्दबहादुर नेपाली पुष २० गते रातिदेखि बेपत्ता रहेका थिए । पुष २२ गते दिउँसो थोपल खोलामा उनको शव भेटिएको थियो । घटना शङ्कास्पद रहेकोले अनुसन्धान भइरहेको प्रहरीले जानकारी दिएको छ।