प्रदेश स्तरीय अंग्रेजी हस्तलेखन प्रतियोगितामा रोजमेरीका सबिर मिया प्रथम

काठमाडौं– प्रदेश स्तरीय अंग्रेजी हस्तलेखन प्रतियोगितामा धादिङबेसीमा रहेको रोजमेरी चाइल्ड केयर बोर्डिङ स्कुलका सबिर मिया प्रथम भएका छन् । कोसमोस एजुकेशनल ट्रेनिङ एण्ड रिसर्च सेन्टर प्राइभेट लिमिटेडले आयोजना गरेको प्रदेश स्तरीय हस्तलेखन प्रतियोगितामा कक्षा २ मा अध्ययनरत छात्र सबिर मिया प्रथम भएका हुन् ।

Advertisement

प्रथम स्थान हासिल गर्न सफल भएका मियाले २० हजार नगदसहित ट्रफी, मेडल तथा प्रमाणपत्र प्राप्त गरेका छन् । विद्यालयले आज एक कार्यक्रमको आयोजना गरि शैक्षिक सामाग्री तथा उपहारसहित मियालाई विद्यालय परिवारले आज सम्मान गरेको हो । । प्रतियोगितामा सहभागी अन्य ६ जना श्रेयन्शी गुरुङ, प्रार्थना श्रेष्ठ, आहाना अधिकारी, रितु मग्राती र सुषान्त बुर्लाकोटीले मेडल र प्रमाणपत्र प्राप्त गरेका छन् । विद्यार्थीहरुले उत्कृट लेखन गरेसँगै आयोजकले विद्यालयलाई पनि प्रमाणपत्र प्रदान गरेको थियो ।

पठनपाठनसँगै अतिरिक्त क्रियाकलापलाई पनि उत्तिकै जोडदारका साथ प्राथमिकतामा राखिएको रोजमेरी चाइल्ड बोर्डिङ स्कुलकी प्रधानाध्यापक संगिता श्रेष्ठले बताइन् । ‘यो प्रतियोगिता र सविर भाईको उत्कृष्ट हस्तलेखनले रोजमेरी र सिंगो धादिङको विद्यालय र विद्यार्थीको मनोबलसँगै प्रतिष्ठामा उचाई थपेको छ’ उनले भनिन्– ‘अभ्यासका पानाहरुबाट विजेताको मञ्चसम्म पुग्दा विद्यालयको गरिमा थप उचो बनेको आभाष भएको छ । गत वर्ष पनि प्रदेश स्तरीय नेपाली हस्तलेखन प्रतियोगितामा चाँदनी गुरुङ प्रथम भएकी थिइन् । गत वर्षहरुमा राष्ट्रिय स्तरका प्रतियोगितामा टप १० मा एञ्जल राई र रिनिसा गुरुङ पर्न सफल भएका थिए । अभिभावकहरुको चाहना, हाम्रो प्रयास र विद्यार्थीहरुको मेहनतको मिलेको आभाष भएको छ ।’