२०८२ बैशाख १९, शुक्रबार
काठमाडौं– राष्ट्रिय परीक्षा बोर्डले कक्षा १२ को परीक्षा तोकिएको मितिमा गर्ने तयारी गरेको छ । २१ बैशाखदेखि १ जेठसम्म हुने परीक्षाका लागि आन्तरिक तयारी गर्न सबै विद्यालयलाई आग्रह गरेको छ ।
शिक्षक आन्दोलनले अन्योलमा रहेको परीक्षा शिक्षक र सरकारबिच बुधबार सहमति जुटेपछि परिक्षाको तयारी तिव्र पारिएको हो । बोर्डले परीक्षा सञ्चालनका सम्बन्धमा सम्बन्धित निकायलाई पहिले नै आवश्यक पत्राचार गरेको थियो । बाँकी सम्पूर्ण काम सम्पन्न गर्न केन्द्राध्यक्ष, शिक्षक, कर्मचारी एवं सुरक्षा निकायलाई अनुरोध गरेको छ ।
बोर्डले विज्ञप्तिमार्फत परीक्षाबारे अनावश्यक हल्ला फैलाइएको भन्दै निर्धारित समयमै परीक्षा हुने स्पष्टसमेत पारेको छ । यसपटक कक्षा १२ को परीक्षा ११ बैशाखदेखि हुने भनिए पनि शिक्षक आन्दोलनका कारण २१ बैशाखलाई सारिएको थियो ।
शिक्षक र सरकारबिच बुधबार सहमति जुटेपछि बोर्डले परीक्षाको तयारीसम्बन्धी कार्यलाई तीव्रता दिएको छ । यसपटक कक्षा १२ को परीक्षामा पाँच लाख ५० हजार विद्यार्थी सामेल हुँदै छन् ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
