२०८२ पौष २३, बुधबार
काठमाडौं– धादिङको सिद्धलेक गाउँपालिका–१ बैरेनीस्थित थोपल खोलामा एक जना पुरुषको शव फेला परेको छ । थोपल खोलामा डुबिरहेको अवस्थामा मंगलबार दिउँसो बैरेनीका ४० वर्षिय नन्द बहादुर नेपालीको शव भेटिएको जिल्ला प्रहरी कार्यालय धादिङका प्रहरी नायव उपरीक्षक प्रकाश दाहालले जानकारी दिए ।
प्रहरी नायव उपरीक्षक दाहालका अनुसार नन्द बहादुर थोपल खोलामा आइतबार राती माछा मार्न गएका थिए । छरछिमेकी, साथीभाई र उनका छोरासहित ९ जना करेन्ट लगाएर माछा मार्न जाने क्रममा नेपालीलाई करेन्ट लागेर ज्यान गएको प्रारम्भिक अनुसन्धानले देखाएको उनले बताए ।
सशत्र प्रहरी बल नेपालको पहलमा नेपाल विपद् व्यवस्थापन तालिम शिक्षालय कुरिनटार चितवनबाट खटी आएको गोताखोर टोलीले करेन्ट लागेर वेपत्ता बनेका नन्द बहादुरको शव मंगलबार दिउँसो साँढे २ वजे घटनास्थल भन्दा करिव एक सय मिटर तलबाट डुबिरहेको अवस्थामा उनको शव निकालेको हो ।
उनकी छोरी सन्ध्या नेपालीले बुबालाई आफै करेन्ट लागेर भन्दा पनि अरुले करेन्ट लगाइदिएर ज्यान गएको बताउँछिन् । सँगै माछा मार्न गएकाहरु फर्किनु र बुबा वेपत्ता भएपछि सन्ध्याले शंका लागेको जिकिर गरिन् । माछा मार्ने क्रममा आइतबार राती ९ वजे करेन्ट लागेर घाइते भएका बुबालाई थप करेन्ट लगाएर संगै गएकाहरुले मारिदिएको उनको आरोप छ ।
घटना संकास्पद रहेकाले मृतक नन्द बहादुर नेपालीसँगै माछा मार्न गएका अन्य सात जनालाई नियन्त्रणमा लिएर यस घटनाबारे थप अनसन्धान भई रहेको प्रहरी नायव उपरीक्षक दाहालले बताए ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
