आज साँझदेखि काठमाडौंमा मनसुनको प्रभाव देखिने

काठमाडौं– काठमाडौं उपत्यकाको तापक्रम शुक्रबारको तुलनामा आज केही घटेको छ । आज साँझदेखि केही शीतल हुने जल तथा मौसम विज्ञान विभागले जनाएको छ ।

Advertisement

आज साँझदेखि काठमाडौं उपत्यकामा मनसुनको सामान्य प्रभाव महसुस हुने मौसमविद् सरोज पुडासैनीले बताए ।

आज अपराह्न र राति मेघगर्जनसहित हल्का वर्षा हुने सम्भावना रहेको उनको भनाइ छ । मनसुन पूर्वबाट क्रमशः पश्चिमतर्फ सर्नेक्रम जारी छ तर यसलाई प्रिमनसुन गतिविधि नै मान्नुपर्ने उनले बताए ।