२०८२ अषाढ २५, बुधबार
काठमाडौं– ठाकुरप्रसाद शर्मा प्रतिष्ठानकाे अध्यक्षमा डाक्टर सदानन्द कँडेल निर्विरोध निर्वाचित भएका छन् । धादिङको पहिलाे आदर्श हाइस्कुलका संस्थापक हेडसरकाे नाममा स्थापित प्रतिष्ठानको प्रथम वार्षिक साधारण सभाले तदर्थ समितिका अध्यक्ष कँडेललाई अध्यक्षमा निर्वाचित गरेको हो ।
उपाध्यक्षमा महेन्द्र कुमार शर्मा पाठक, महासचिवमा कृष्णराज सिलवाल, सचिवमा भवानी कुमारी उप्रेती, , काेषाध्यक्षमा शिव प्रसाद अधिकारीलाई सर्वसम्मत रुपमा निर्वाचित गरेकाे छ । यसैगरी सदस्यहरुमा रामशरण त्रिपाठी, अर्जुनकुमार श्रेष्ठ, सरस्वती शर्मा, देवकी तिमल्सिना, राजकुमार खरेल र लक्ष्मी गिरीलाई सर्वसम्मत निर्वाचित गरेकाे हो ।
ठाकुरप्रसाद शर्मा अक्षयकोषमा जम्मा रकम ३४ लाख ८५ हजार संकलन भएकाे छ । ठाकुरप्रसाद शर्मा प्रतिष्ठानले गुरुपूर्निमा र पौष ५ गते स्कुल स्थापनाको दिन वर्षमा २ पटक पुरस्कार वितरण गर्ने जनाएकाे छ । प्रतिष्ठानले ठाकुरप्रसाद शर्मा शिक्षा पुरस्कार, आदर्श शिक्षक पुरस्कार, आदर्श शिक्षासेवी पुरस्कार, उत्कृष्ट छात्रा पुरस्कार, उत्कृष्ट छात्र पुरस्कार, दुर्गा रिमाल साहित्य पुरस्कार, टंकप्रसाद खतिवडा समाजसेवी पुरस्कार विरण गरिने अध्यक्ष कँडेलले बताए ।
मदन पुरस्कार विजेता वरिष्ठ साहित्यकार प्रा. घनश्याम कँडेल, त्रिविका सेवानिवृत्त प्राध्यापक तथा ४० वटा पुस्तकका लेखक प्रा. डाक्टर रामचन्द्र लम्साल, लेखक तथा आबाल ब्रह्मचारी षडानन्द प्रतिष्ठानका उपाध्यक्ष प्रा. लालानाथ सुवेदी, धादिङ जिल्लाको पहिलो हाईस्कूल आदर्श हाईस्कूलका संस्थापक हेडमास्टर तथा पूर्वराज्यमन्त्री ठाकुरप्रसाद शर्मा, धादिङका पूर्व जिल्ला शिक्षा अधिकारी तथा नेपाल सरकारका पूर्व सहसचिव प्रेमप्रसाद सुवेदी, आदर्श हाईस्कूलका संस्थापक शिक्षक तथा सहायक हेडमास्टर सुमनदास श्रेष्ठ,संस्थापक शिक्षक तथा नेपाल सरकारका पूर्वउपसचिव टीकाबहादुर उप्रेती, धादिङ जिल्लामा पढेर एसएलसी पास गर्ने पहिलो विद्यार्थी (२०२६) राजेन्द्रप्रसाद पाण्डे, धादिङ जिल्लाबाट एसएलसी पास गर्ने प्रथम छात्रा तथा साहित्यकार रुकु कार्की, महाकाली माविका पूर्व प्रधानाध्यापक जगन्नाथ तिमिल्सिना लगायतले शुभकामना दिएका छन्।
प्रतिष्ठानले “आदर्श गुरु-शिक्षासेवी अभिनन्दन ग्रन्थ” प्रकाशित गर्ने भएकाे छ । ग्रन्थमा डा. सदानन्द कडेलले सम्पादन गर्ने गरि ठाकुरप्रसाद शर्मा लगायतकाे जिवनी, आदर्श हाइस्कुलकाे ईतिहास, दस्तावेज, तस्वीर संकलन गर्न जिम्मेवारी समेत ताेकेकाे छ ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
