२०८२ जेष्ठ २३, शुक्रबार
नुवाकोट– फोकल शिक्षक र बालक्लब पदाधिकारीहरुका लागि एक दिने अनुशिक्षण कार्यक्रम गरिएको छ । नुवाकोटको म्यागङ गाउँपालिकाको आयोजनामा पालिका भरका बालक्लब फोकल शिक्षक तथा बाल क्लबका पदाधिकारीहरुको क्षमता विकास गर्ने उदेश्यले अनुशिक्षण कार्यक्रम गरिएको हो ।
अनुशिक्षण कार्यक्रम बालक्लब गठन तथा सहजिकरण कार्यविधि, बालक्लब आवद्धता र सुचिकरण, बालक्लबका पदाधिकारीहरुको काम कर्तव्य र उत्तरदायित्व, बालक्लबले विद्यालय र समुदाय तहमा गर्न सक्ने क्रियाकलापहरु, बैठक पुस्तिका लेखन र बालक्लबको फोकल शिक्षकहरुको भुमिका र जिम्मेवारी तथा बालमैत्री स्थानीय शासनका सुचकहरु लगायतका विषयमा बालमैत्री स्थानीय शासन विज्ञ एवम् प्रयास नेपाल धादिङका कार्यकारी निर्देशक दामोदर अर्यालले सहजिकरण गरेका थिए ।
म्यागङ गाउँपालिकाले बालमैत्री स्थानीय शासन अवलम्बन तथा घोषणा गर्ने अभियानमा रहेकाले घर, परिवार ,समाज तथा बिद्यालयहरुमा बोलिबचन, कार्यपद्धति र व्यवहार र दस्तावेज पनि बालबालिकामैत्री हुनु जरुरी हुने प्रमुख प्रशासकीय अधिकृत देवकी सिम्खडाले बताइन् । १९ विद्यालयका फोकल शिक्षक, बालक्लबका पदाधिकारीहरु, विषयगत शाखाका कर्मचारी गरि ४१ जनाको सहभागीता रहेको म्यागङ गाउँपालिकाका महिला तथा बालबालिका शाखा प्रमुख फुलमाया खजुमले जानकारी दिइन् ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
