मकवानपुरमा देवरद्वारा भाउजुको हत्या 

काठमाडौं– मकवानपुरको थाहा नगरपालिका- १ स्थित कुन्छाल बस्तीमा एक महिलाको विभत्स हत्या गरिएको छ ।

करिव ३५ वर्षीय जीवन गोपालीले धारिलो हतियार प्रयोग गरी ५५ वर्षीया तुलुमाया गोपालीको हत्या गरेको इलाका प्रहरी कार्यालय पालुङले जानकारी दिएको छ । देवर नाता समेत पर्ने छिमेकमै बस्ने जीवन गोपालीले धारिलो हतियार प्रहार गरी तुलुमाया (भाउजु)को हत्या गरेका हुन् ।

प्रहरीका अनुसार घटनापछि हत्या आरोपित जीवन गोपाली आफैं हतियारसहित इलाका प्रहरी कार्यालय पालुङमा पुगेका थिए । जीवन गोपालीलाई नियन्त्रणमा लिइएको छ भने हाल घटनाको विषयमा थप अनुसन्धान भइरहेको छ। हत्या किन गरियो भन्ने विषयमा प्रारम्भिक विवरण आइसकेको छैन । घटना बारे अनुसन्धान भइ रहेको प्रहरीले जनाएको छ ।

Advertisement