२०८२ श्रावण १०, शनिबार
काठमाडौं– नीलकण्ठ बहुमुखी क्याम्पसको क्याम्पस प्रमुख डाक्टर मुरारी अधिकारीले पदभार ग्रहण गरेका छन् । नीलकण्ठ क्याम्पसले आयोजना गरेको एक कार्यक्रमकाविच विहीबार अधिकारीले पदभार ग्रहण गरेका हुन् ।
धादिङ जिल्लाको जिल्ला सदरमुकाम धादिङबेसीमा रहेको नीलकण्ठ बहुमुखी क्याम्पसको आगामी ४ बर्षे कार्यकालको लागि अधिकारी क्याम्पस प्रमुखमा नियुक्त भएका हुन् । पदभार ग्रहण गर्दै डाक्टर अधिकारीले क्याम्पसलाई थप परिस्कृत गर्दै उत्कृष्ट क्याम्पस बनाउने प्रतिवद्धता व्यक्त गरे ।
‘पदले म क्याम्पस प्रमुख हुँ । तर यो नीलकण्ठ बहुमुखी क्याम्पस सबैको साझा संस्था हो । सबैले क्याम्पस प्रमुख सरह महसुस गर्ने गरि काम गर्नेछु’ उनले भने– ‘मेरो शिर भन्दा माथि मेरा गुरुहरु पूर्व क्याम्पस प्रमुखहरु राखेर काम गर्नेछु । सबैको साथले क्याम्पसको गरिमा र उचाई थप हुनेछ । क्याम्पसमा अन्र्तराष्ट्रिय सम्मेलन गर्ने, द्यब् प्रोग्राम सुरु गर्ने, प्रविधिको उच्चतम प्रयोग गरि शैक्षिक सुधार गर्ने लगायतका काम गर्नेछु ।’
नेपाल सरकारका कृषि तथा पशुपंक्षी विकास मन्त्री रामनाथ अधिकारी, क्याम्पसका पूर्व अध्यक्षहरु शम्भुकुमार श्रेष्ठ, भुपेन्द्र कुमार श्रेष्ठ, निवर्तमान अध्यक्ष नवराज शर्मा लगायतले शुभकामना दिदै क्याम्पसलाई थप उचाईमा पुर्याउने विश्वास व्यक्त गरेका छन् ।
विक्रम सम्वत २०५७ सालमा १२ जना विद्यार्थीबाट सुरु भएको नीलकण्ठ क्याम्पस विश्वविद्यालय अनुदान आयोगबाट गुणस्तर प्रत्यायन ९त्तब्ब्० प्राप्त गर्ने जिल्लाको पहिलो र एकमात्र क्याम्पस हो । स्नातक तथा स्नाकोत्तरसम्मको अध्यापन गराइने नीलकण्ठ क्याम्पसमा करिव एक हजार विद्याथीहरु अध्ययनरत छन् ।
नीलकण्ठ क्याम्पसका निवर्तमान क्याम्पस प्रमुख नवराज शर्माको दुइ कार्यकालको ८ वर्ष भन्दा लामो समय पश्चात क्याम्पस प्रमुख कसलाई बनाउने भन्ने विषयमा चर्चा चलेको थियो । क्याम्पस सञ्चालन समितिको ११३औं वैठकबाट अधिकारीलाई क्याम्पस प्रमुखको जिम्मेवारी तोकेको हो ।
अधिकारी डेढ दशक लामो समयदेखि अध्यापन पेशामा निरन्तर सक्रिय छन् । त्यस्तै गरि, २ दशकदेखि पत्रकारितामा समेत उनी सक्रिय रुपमा रहेका छन् । अध्यापन र पत्रकारिता दुवै पेशालाई एकै साथ अगाडी बढाइरहेका अधिकारी दुवै पेशामा अब्बल र सक्रिय छन् । गोरखापत्र दैनिकमा आवद्ध अधिकारी पत्रकारहरुको हक हितमा काम गर्ने विभिन्न संघसंस्थाहरुमा समेत आवद्ध रहेका छन् ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
