सेयर बजारमा उच्च अंकको गिरावट

काठमाडौं– सेयर बजार नेप्से परिसूचक आइतबार उच्च अंकले गिरावट आएको छ। सेयर बजार ६३.७३ अंकले घटेर २८५८.९० विन्दुमा झरेको छ ।

Advertisement

नेप्से परिसूचक उच्च अंकले घटेपनि दुई कम्पनीको सेयर सकारात्मक सर्किट लेभलमा कारोबार भएको छ । ट्रेड टावर र शिवम् सिमेन्ट हाइड्रोपावरको सेयर सकारात्मक सर्किट लेभलमा कारोबार हो ।

कारोबारमा आएकामध्ये १६ स्टक्सको मूल्य बढ्दा २३३ वटाको घट्यो । नेप्से उच्च अंकले घट्दा सबै समूहको उपसूचक नकारात्मक देखिएका छन् । माइक्रो फाइनान्स समूहको उपसूचक सर्वाधिक ३.०५ प्रतिशतले घट्यो ।

३१९ स्क्रिप्सको ३ करोड २२ लाख ६० हजार ३४१ कित्ता सेयर १३ अर्ब ७ करोड ५० लाख ४ हजार ९२० रुपैयाँमा खरिदबिक्री भएका छन् । अघिल्लो बिहीबार १५ अर्ब ९८ करोड बराबरको कारोबार भएको थियो ।