नारायणगढ–मुग्लिन सडकखण्डमा बसमा ढुङ्गा खस्दा एक जनाको मृत्यु 

काठमाडौं– नारायणगढ–मुग्लिन सडकखण्डमा ढुङ्गा खसेर बसमा लाग्दा एक जना यात्रुको ज्यान गएको छ ।

इच्छाकामना गाउँपालिका–६ नाम्सीखोला पुलमा सडक माथिबाट ढुङ्गा खसेर तनहुँबाट नारायणगढका लागि छुटेको ग२ख १८३६ नम्बरको बसमा लाग्दा लमजुङको घलेगाउँकी ४६ वर्षीय ऐश्वर्या कामीको मृत्यु भएको जिल्ला प्रहरी कार्यालय चितवनले जानकारी दिएको छ ।

ढुङ्गा खसेर घाइते भएकी ऐश्वर्याको पुरानो मेडिकल कलेज भरतपुरमा उपचारका क्रममा ज्यान गएको हो । बस र चालकलाई प्रहरीले नियन्त्रणमा लिएको छ । नारायणगढ–मुग्लिन सडकखण्डमा यात्रा गर्दा सावधानी अपनाउन प्रहरीले आग्रह छ ।