मौसम सुधारसँगै आन्तरिक उडान नियमित

काठमाडौँ– शनिबार बिहानदेखि भारी वर्षा भएपनि आइतबार भने मौसममा केही सुधार देखिएको छ । मौसममा केही सुधार देखिएसँगै आन्तरिक उडान पुन: सुरु भएको त्रिभुवन अन्तर्राष्ट्रिय विमानस्थलले जनाएको छ।

यतिबेला विभिन्न विमानस्थलमा रोकिएका जहाजले यात्रु लिएर काठमाडौंका लागि उडान गरिरहेको जनाइएको छ । त्रिभुवन अन्तर्राष्ट्रिय विमानस्थलका अनुसार मौसम खराब नभएमा अब नियमित उडान हुनेछ। खराब मौसमका कारण शनिबार बिहानैदेखि आन्तरिक उडान बन्द गरिएको थियो।