सुनको मूल्य तोलामा ६ हजार ५ सयले घट्यो

काठमाडौं– सुनको मूल्य प्रतितोलामा ६ हजार ५ सयले घटेको छ। तोलाको २ लाख ७५ हजार ५ सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।

सुनको मूल्य लगातार पाँच कारोबार दिन घटेको हो । मङ्गलवार तोलाको ३ लाख ९ हजार ९ सय रहेको सुनको मूल्य बुधवार २ हजार २ सय रुपैयाँले घटेको थियो । यस्तै सुनको मूल्य बिहीवार ५ हजार ४ सय, शुक्रवार ७ हजार ८ सय र हिजो आइतवार १२ हजार ५ सय रुपैयाँले घटेको थियो ।

आज चाँदीको मूल्य ११५ रुपैयाँले घटेर तोलाको ४ हजार ४ सय २५ रुपैयाँमा कारोबार भइरहेको महासंघले जनाएको छ ।