सेयर बजार ४५ अंकले बढ्यो 

काठमाडौं– सेयर बजार दोहोरो अङ्कले बढेको छ । सेयर बजार परिसूचक नेप्से ४५ दशमलव १२ अङ्कले बढेर २ हजार ८०२ दशमलव ५२ विन्दुमा पुगेको हो ।

आज सबै समूहको सूचक बढेकोमा उत्पादन समूहको सूचक सबैभन्दा धेरै ३ दशमलव ८७ प्रतिशतले उकालो लागेको छ । यस्तै होटल तथा पर्यटन, जलविद्युत् समूहको सूचक साढे २ प्रतिशतले बढेको छ ।

आज २५१ वटा कम्पनीको सेयर बढेकोमा १५ वटाको घटेको छ । यस्तै आशा लघुवित्त र मेन्छियाम हाइड्रोपावरको सेयर घटबढ भएको छैन ।

आज नेप्सेसँगै कारोबार रकम पनि बढेको छ । हिजो ६ अर्ब ७३ करोडको कारोबार भएकोमा आज ३४६ वटा कम्पनीका १ करोड ८८ लाख कित्ता शेयर ८ अर्ब ३१ करोड रुपैयाँमा किनबेच भएको छ ।