धादिङमा सुख्खा पहिरोले पृथ्वी राजमार्ग अवरुद्ध

काठमाडौं—  पृथ्वी राजमार्ग अन्तर्गत धादिङको बेनिघाट रोराङ गाउँपालिका–१० बादरेमोड नजिकै सुख्खा पहिरो खस्दा सडक अवरुद्ध भएको छ।

सडक माथिबाट खसेको पहिरोका कारण दुईतर्फी सवारी आवागमन बन्द भएको जिल्ला प्रहरी कार्यालय धादिङका प्रहरी नायब उपरीक्षक सुवास हमालले जानकारी दिए । उनका अनुसार सडक अवरुद्ध भएपछि १० जनाको टोली परिचालन भई बाटो खुलाउने प्रयास भइरहेको छ । बाटो छिट्टै सुचारु गर्न पहल भइरहेको प्रहरी नायव उपरीक्षक हमालले जानकारी दिए ।