कांग्रेस सभापति गगन थापाले दिए राजीनामा

काठमाडौं– नेपाली कांग्रेसका सभापति गगन थापाले पदबाट राजीनामा दिएका छन् । सभापति थापाले उपसभापति विश्वप्रकाश शर्मासमक्ष बुधबार राजीनामा बुझाएका हुन्।

सभापति थापाले राजीनामा बुझाएपछि केन्द्रीय समितिले बैठक आह्वान गरेको छ। बैठकमा सभापति थापाको राजिनामा बारे छलफल हुने जनाइएको छ । सभापति थापाले राजिनामा दिए पनि केन्द्रीय समितिले भने स्वीकृत गर्ने नगर्ने बारे छलफल र निर्णय गर्न बाँकी रहेको बताइएको छ।

फागुन २१ गते भएको प्रतिनिधिसभा चुनावमा सभापति थापा सर्लाही ४ बाट पराजित भएका थिए। सभापति थापासहित चुनाव उठेका सबै पदाधिकारी पराजित भएका थिए।सभापति थापाले चुनावी पराजयको जिम्मेवारी लिँदै पदबाट राजीनामा दिएका हुन्।

Advertisement