पहिरोले अवरुद्ध धादिङबेसी–मलेखु सडक खण्ड एकतर्फी खुल्यो 

काठमाडौं– बर्षाका कारण अवरुद्ध बनेको धादिङबेसी–मलेखु सडक खण्ड एक तर्फी संचालनमा आएको छ ।

नीलकण्ठ नगरपालिका-८ स्थित कृष्ण मन्दिर नजिकै खसेको पहिरो पन्छाएपछि सडक एकतर्फी संचालनमा आएको नीलकण्ठ नगरपालिका-८ का वडा अध्यक्ष प्रकाश श्रेष्ठले जानकारी दिए ।

वडा अध्यक्ष श्रेष्ठका अनुसार सडक माथिबाट खसेको पहिरो जेसेबीको सहयोगमा नेपाल प्रहरी, सशस्त्र प्रहरी, स्थानीय लगायतको टोलीले बाटो खुलाएको हो । ठूलो बर्षाले खसेको पहिरोका कारण सडक अवरुद्ध बनेको थियो ।

धादिङबेसी–मलेखु सडक राजधानी काठमाडौँ, पोखरा लगायतका शहरसँग धादिङ जिल्लाको सदरमुकामलाई जोड्ने मुख्य मार्ग भएकाले यसको अवरोधले दैनिक यात्रु तथा सामान ढुवानीमा प्रत्यक्ष असर परेको छ।

Advertisement