त्रिपुरेश्वरमा आगजनी भएको बस चालकको मृत्यु

काठमाडौं– त्रिपुरेश्वरमा सोमबार बस आगलागीमा परी घाइते भएका चालको निधन भएको छ ।

Advertisement

कीर्तिपुर अस्पताल (बर्न अस्पताल)मा उपचारका क्रममा सोमबार राती निधन भएको प्रहरीले जनाएको छ । दिउँसो करिब १ बजे अस्पताल घाइते चालकको शरीरको ९० प्रतिशत भाग जलेको थियो ।

सोमबार मध्याह्न त्रिपुरेश्वरचोकको बस स्टपमा रिद्धिसिद्धि यातायातको बा५ख ४२७४ नम्बरको बसमा आगलागी भएको थियो । चालक आफैँले बसमा आगो लगाएको प्रहरीको प्रारम्भिक अनुसन्धान निष्कर्ष छ ।

घटना हुनुअघि उनको ट्राफिक प्रहरीसँग विवाद भएको थियो । यो घटनाको छानबिनका लागि समिति गठन भइसकेको छ ।