२०८३ कार्तिक २५, मंगलबार
धादिङ– धादिङ क्षेत्र नम्बर २ बाट निर्वाचित सांसद बोध नारायण श्रेष्ठले प्रयोग गर्ने सवारीसाधन धादिङबेसीको विचबजार चोकमा रहेको जेब्रा क्रसिङमै पार्किङ गरिएको पाइएको छ ।
बागमती प्रदेश विएवि १३९३ नम्बरको सांसद श्रेष्ठले प्रयोग गर्ने सवारी साधन मंगलबार बिहान जेब्रा क्रसिङमा पार्किङ गरिएको हो । पैदलयात्रुले बाटो काट्न प्रयोग गर्ने जेब्रा क्रसिङमै सांसदको सवारी पार्किङ गरिएपछि स्थानीयले व्यङ्ग्य गरेका छन् ।
सांसदकै सवारीसाधनले ट्राफिक नियम उल्लङ्घन गरेपछि स्थानीयले ‘नियम र कानुन सर्वसाधारणका लागि मात्रै रहेछन्, कानुन बनाउने र ठूला नेताहरूलाई भने लागू नहुने रहेछ’ भन्दै टिप्पणी गरेका हुन् ।
सोमबार बिहान झिगु नेवाः समाज धादिङले आयोजना गरेको नेपाल संवत् तथा दीपावलीको शुभकामना आदानप्रदान कार्यक्रममा सहभागी हुन सांसद श्रेष्ठ धादिङ आएका थिए । सोही क्रममा उनको सवारीसाधन बजार चोकको जेब्रा क्रसिङमा पार्किङ गरिएको थियो ।
श्रेष्ठ राष्ट्रिय स्वतन्त्र पार्टी (रास्वपा) बाट निर्वाचित धादिङ क्षेत्र नम्बर २ का प्रतिनिधिसभा सदस्य हुन्।
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४१७१७८१२
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
