जीप दुर्घटना हुँदा चालकको मृत्यु 

काठमाडौं– इलाममा जीप दुर्घटना हुँदा एकजनाको ज्यान गएको छ ।

दुर्घटनमा चालक देउमाई नगरपालिका–१ चमैताका २१ वर्षीय विपिन दियालीको मृत्यु भएको जिल्ला प्रहरी कार्यालय इलामले जनाएको छ ।

देउमाई नगरपालिका–१ चमैतास्थित चौरीबजार जाँदै गरेको जिप आफैँ अनियन्त्रित भई सडकबाट खसेर दुर्घटना हुँदा चालकको घटनास्थलमै मृत्यु भएको प्रहरीले जानकारी दिएको छ ।

दुर्घटनाबारे थप अनुसन्धान भइरहेको प्रहरीले जानकारी दिएको छ।