सुन तोलामा ७ सय रुपैयाले घट्यो

काठमाडौं– तिहारपछि सुनचाँदीको मूल्य लगातार घटेको छ । तिहारपछिको पहिलो कारोबारको दिन आइतबारदेखि घट्न थालेको सुनचाँदीको मूल्य आज पनि सात सय रुपैयाले घटेको छ ।

Advertisement

आइतबार तोलामा दुई लाख ४१ हजार नौ सय रुपैयाँमा कारोबार भएकोमा सोमबार र हिजो मंगलबार पनि घटेको थियो । त्यस्तै आज सुन तोलामा ७ सय रुपैयाँले घटेर तोलाको दुई लाख ३६ हजार तीन सय रुपैयाँमा कारोबार भैरहेको नेपाल सुनचाँदी व्यवसायी महासंघले जनाएको छ ।

यस्तै, चाँदीको मूल्य पनि घटेको छ । आइतबार तोलाको ३ हजार १५ रुपैयाँ रहेको चाँदीको मूल्य आज दुई हजार नौ सय ६५ रुपैयाँमा झरेको छ । हिजोको तुलनामा चाँदी आज तोलामा ४५ रुपैयाँले घटेको हो । हिजो चाँदीको मूल्य तोलाको दुई हजार नौ सय २० रुपैयाँ रहेको थियो ।