सेयर बजारमा सामान्य गिरावट, ३ अर्ब २१ करोडको कारोबार

काठमाडौं – आज सेयर बजार सामान्य घटेको छ । सेयर बजार परिसूचक नेप्से आज पाँच दशमलव ३१ अङ्कले घटेर दुई हजार ६१ दशमलव ७० विन्दुमा झरेको छ ।

Advertisement

आज विकास बैंक, फाइनान्स र लगानी समूहको शेयर सामान्य बढेको छ । अरू सबै समूहको सेयर ओरालो लागेको छ । आज मिथिला लघुवित्त र रावा इनर्जी कम्पनीको सेयर पाँच प्रतिशतभन्दा धेरैले घटेको छ ।

समग्रमा बजार घटेको दिन आज युनिक नेपाल लघुवित्तको सेयर १० प्रतिशत र मोलुङ हाइड्रोपावर कम्पनीको सेयर साढे नौ प्रतिशतले बढेको छ ।

आज ९२ लाख ७२ हजार सात सय कित्ता सेयर तीन अर्ब २१ करोड ६७ लाख रुपैयाँमा कारोबार भएका छन् । सबैभन्दा धेरै हिमालयन रि इन्सुरेन्स कम्पनीको ३३ करोड ५८ लाख रुपैयाँको सेयर खरिद÷बिक्री भएको छ ।