२२ मंसिर, काठमाडौं । पारिवारिक विवादका बीच एक जना महिला झुण्डिएको अवस्थामा मृत भेटिएपछि आफन्तले चन्द्रागिरि नगरपालिकाको गुर्जुधारामा हड्ताल गरेका छन् ।
चन्द्रागिरि नगरपालिका–२, नागढुंगास्थित घर नजिकै मृत भेटिएकी दीपा पराजुली थापाको हत्या भएको दाबी गर्दै परिवारले गुर्जुधारामा ४० मिनेट हड्ताल गरेको होे ।
पराजुलीका मामा चिरनबहादुर कार्की प्रहरीले घटनालाई आत्महत्या बताएर सामान्य बनाउन खोजेपछि हड्तालमा उत्रिएको बताउँछन् ।
‘विवाह भएको जम्मा ६ महिना मात्र भएको थियो, कहिले स्कुटर माग्ने, कहिले पैसा माग्ने गरिरहेका थिए’, उनले अनलाइनखबरसँग भने, ‘त्यही नदिएका कारण परिवारबाट उनको हत्या भएको हो ।’
उनले प्रहरीलाई गम्भीरतापूर्वक अनुसन्धान गरिदिन भन्दै माग गरेको बताए । यद्यपि, प्रहरीले झुण्डिएका कारण मृत्यु भएको भनेपछि आफूहरुलाई चित्त नबुझेको कार्कीले बताए ।
परिवारले उनको हत्या भएको दाबी गर्दै त्रिवि शिक्षण अस्पतालबाट शव पनि उठाउन मानेको छैन । प्रहरी वृत्त, थानकोटका डीएसपी डिल्ली पाण्डे पोष्टमार्टमबाट आउने रिपोर्टलाई समेत आधार बनाएर प्रहरीले गम्भीर भएर अनुसन्धान गर्ने बताउँछन् ।
‘प्रहरीले अनुसन्धानमा कुनै कसर बाँकी राख्दैनन् । गम्भीरतापूर्वक अनुसन्धान भइरहेको छ’, उनी भन्छन् । परिवारले शुक्रबार बिहान १० बजे प्रहरी कहाँ उपस्थित हुने र आफूहरुले भने अनुसार नभए फेरि हड्ताल गर्ने जनाएको छ ।
कार्की भन्छन्, ‘झुण्डिएको मान्छेको खुट्टा चप्पल जस्ताको तस्तै छ, शरीरमा अरु चोट पनि देखिएको छ । झट्ट हेर्दै यो सामान्य देखिन्न ।’
प्रहरीका अनुसार मंगलबार घटना भएको दिन घरमा अरु कोही थिएनन्, श्रीमान बिहान ६ बजे काममा निस्किएका थिए भने सासु ससुरा पनि ९ बजे नै निस्किएका थिए ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थपनेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४३३५३३३३
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
सम्पादक : | अर्जुन श्रेष्ठ |
सह सम्पादक : | तिर्थमाया तामाङ्ग |
ब्यबस्थापक : | सविना रंजितकार |
नोट: स्रोतहरू खुलाइएका बाहेक नेपालपथ नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् । यसमा प्रकाशित कुनै पनि सामग्रीहरू छापा, विद्युतीय, प्रसारण वा अन्य कुनै पनि माध्यमबाट पुनःप्रकाशन वा प्रसारण गर्नुअघि अनुमति लिनुहुन अनुरोध छ ।