२०८१ श्रावण १२, शनिबार
काठमाडौं– काठमाडौंमा एक जना पुरूषको अपहरण गरेको आरोपमा प्रहरीले चार जनालाई पक्राउ गरेको छ ।
अपहरण गरेको आरोपमा जिल्ला प्रहरी परिसर काठमाडौंको टोलीले चार जनालाई पक्राउ गरेको हो ।
मंसिर १० गते दिउँसो ३ बजे काठमाडौं महानगरपालिका–८ चाबहिलबाट हिस्सीथाया तामाङको अपहरण भएको प्रहरीले जनाएको छ ।
उनको अपहरणमा संलग्न चार जनालाई प्रहरीले शनिबार पक्राउ गरेको हो ।
पक्राउ पर्नेमा काठमाडौंको बसपार्क बस्ने ४२ वर्षीय तेजमान तामाङ, शंखरापुरको थली बस्ने ३२ वर्षीय कर्मा छेवाङ थिङ, माकलवारी बस्ने २६ वर्षीय सौगात तामाङ र थली बस्ने ३८ वर्षीय सम्राट भन्ने विरे तामाङ छन् ।
प्रहरीका अनुसार हिस्सीथाया तामाङलाई उनीहरूले जबरजस्ती बल प्रयोग गरी ट्याक्सीमा हालेर नजिकैको एक जंगलमा लगेका थिए । त्यसपछि राति उनलाई गागलफेदीस्थित एक होटलमा राखिएको थियो ।
भोलिपल्ट तामाङको खाताबाट १३ लाख ५० हजार रुपैयाँ झिकेपछि छाडिएको प्रहरीले जनाएको छ ।
अपहरण भएपछि पीडित हिस्सीथाया तामाङ प्रहरी परिसरमा पुगेका थिए। त्यसपछि प्रहरीले अनुसन्धान अघि बढाएको थियो ।
प्रहरीले यस घटनामा संलग्न अन्य व्यक्तिहरूको पनि खोजी गरिरहेको छ ।
स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।
लेखकबाट थप
नेपालपथ नेटवर्क
निलकन्ठ, धादिङ्ग, बागमती प्रदेश
सम्पर्क: ९८४३३५३३३३
स्थायी लेखा नं.: १११८६६३०८
सञ्चार रजिष्ट्रार दर्ता प्र.नं.: ००२३२/०८०/०८१
वेबसाईट: nepalpath.com
| सम्पादक : | अर्जुन श्रेष्ठ |
| सह सम्पादक : | तिर्थमाया तामाङ्ग |
| ब्यबस्थापक : | सविना रंजितकार |
