मेस्सी फिफा विश्वकप २०२६ को उत्कृष्ट खेलाडी घोषित

काठमाडौं– अर्जेन्टिनाका कप्तान लियोनल मेस्सीलाई फिफा विश्वकप २०२६ को उत्कृष्ट खेलाडी घोषित भएका छन् । अन्तर्राष्ट्रिय फुटबल इतिहास तथा तथ्यांक महासंघले प्रतियोगिता भर खेलाडीहरूको प्रदर्शनको विस्तृत तथ्यांकीय विश्लेषणपछि मेस्सीलाई उक्त सम्मान प्रदान गरेको हो ।

विश्वकप २०२६ मा मेस्सीले अर्जेन्टिनाका लागि सबै सात खेल खेल्दै ६२६ मिनेट मैदानमा बिताएका थिए । प्रतियोगिताका क्रममा उनले आठ गोल गरेका गरे । चार असिस्ट दिए । प्रतियोगिताभर उनको औसत खेल मूल्यांकन ८.३३ रहेको महासंघले जनाएको छ ।

महासंघका अनुसार पुरस्कार छनोटमा भारयुक्त खेल मूल्यांकन, गोल, असिस्ट तथा नकआउट चरणमा खेलेको प्रभावलाई समेट्ने समग्र प्रदर्शन सूचकांक प्रयोग गरिएको थियो । नकआउट चरणमा मेस्सीको प्रभाव विशेष रूपमा निर्णायक रह्यो । महासंघले विश्वकपजस्तो प्रतियोगितामा दबाबपूर्ण अवस्थाको प्रदर्शनलाई विशेष महत्त्व दिँदै मूल्यांकन गर्ने गरेको उल्लेख गर्दै सबै मापदण्डमा मेस्सी अन्य खेलाडीभन्दा अगाडि रहेको जनाएको छ ।

महासंघले सन् १९९१ देखि विश्व फुटबलमा उत्कृष्ट प्रदर्शन गर्ने खेलाडी, प्रशिक्षक तथा अन्य विधाका व्यक्तित्वलाई विभिन्न सम्मान प्रदान गर्दै आएको छ । महासंघका अनुसार विश्वकप २०२६ मा मेस्सीको निरन्तर उत्कृष्ट प्रदर्शनले उनलाई प्रतियोगिताको उत्कृष्ट खेलाडीका रूपमा स्थापित गरेको हो ।