पृथ्वी राजमार्ग र नारायणगढ-मुग्लिन सडक ९ बजेदेखि बन्द गरियो 

काठमाडौँ– पृथ्वी राजमार्ग र नारायणगढ–मुग्लिन सडकखण्ड आज राति ९ बजे देखि बन्द गरिएको छ ।

पहिरोको उच्च जोखिम भएकाले अहिले राति ९ बजेदेखि सोमबार बिहान ६ बजेसम्मका लागि सडकमा आवागमन बन्द गरिएको प्रहरीले जानकारी दिएको छ।  प्रहरीका अनुसार चितवनबाट पोखरा र काठमाडौँतर्फ जाने सवारीसाधनलाई राति ९ बजेपछि सडक प्रयोग नगर्न आग्रह गरिएको छ ।

यसअघि नै जिल्ला भित्रिने सवारीसाधनका लागि समेत ९ बजेभित्र जिल्ला प्रवेश गर्न सूचना जारी गरिसकेको थियो । एम्बुलेन्स दमकल लगायत अति आवश्यक सवारी साधनहरूलाई भने खुल्ला गरिएको प्रहरीले जानकारी दिएको छ।