नागढुङ्गा सुरुङ्गमार्ग निर्माण जापानिज कम्पनीद्वारा ३ अर्ब क्षतिपूर्तिको दाबी

काठमाडौँ– नागढुंगा सुरुङमार्ग परियोजनाको निर्माणकार्य जिम्मा लिएका जापानिज निर्माण कम्पनी हाज्मा एन्डो कर्पाेरेसनले ठेक्का रकमबाहेक क्षतिपूर्तिबापत करिब तीन अर्ब रुपैयाँ माग दाबी गरेको छ ।

परियोजना बनाउन सडक विभाग र कम्पनीबिच साढे १३ अर्ब हाराहारीमा ठेक्का सम्झौता भएको थियो । तर कम्पनीले त्योबाहेक थप तीन अर्ब हाराहारी रकम क्षतिपूर्तिबापत माग दाबी गरेको हो ।

सुरुङ खन्ने क्रममा डिजाइनभन्दा बढी काम, सोयल निशान अर्थात् माटोको तह, प्रकार र गुणको सिमाना वा चिह्न जनाउने संकेत परिवर्तन, डिजाइनभन्दा अतिरिक्त काम गर्नुपरेको,  विभिन्न समयमा स्थानीयको अवरोध लगायतका कारण देखाउँदै क्षतिपूर्ति बापतको रकम दाबी गरेका हुन्। ।

विभिन्न कारण देखाउँदै क्षतिपूर्ति माग गरेको कम्पनीले भने समयमा काम सम्पन्न गर्न सकेको छैन । सुरुङमार्ग निर्माणका लागि सडक विभाग र कम्पनीबिच सेप्टेम्बर ०१९ मा ठेक्का सम्झौता भएको थियो । त्यसको ४२ महिना अर्थात् अप्रिल ०२३ भित्र आयोजनाको निर्माण सम्पन्न गर्नुपर्ने पहिलो सम्झौता थियो । तर कोभिड १९ ले प्रभावित बन्यो। अप्रिल २०२४ र २५ अक्टोबर २०२५ सम्म थपिएको हो । सुरुङ्ग मार्गको निर्माण कार्य अन्तिम चरणमा पुगेको छ। अहिले सुरुङ मार्गभित्र राखिएका उपकरणहरूको चेक जाँच भइरहेको छ।

Advertisement