पेट्रोलियम पदार्थको मूल्य फेरि बढ्यो 

काठमाडौं– नेपाल आयल निगमले पेट्रोलियम पदार्थको मूल्य फेरि बढाएको छ । निगमले पेट्रोल,डिजेल र मट्टीतेलमा समान १५ रुपैयाँ बढाइएको हो ।

मूल्यवृद्धिपछि बुधबार रातिबाट काठमाडौं उपत्यकामा पेट्रोल १ सय ८७ रुपैयाँ र डिजेल तथा मट्टीतेल समान १ सय ६७ रुपैयाँ प्रतिलिटर कायम भएको छ।

प्रत्येक १५ दिनमा मूल्य समायोजन गर्ने प्रणालीअनुसार गत १ चैतमा मूल्य बढाएको निगमले आगामी १५ चैतमा मूल्य समायोजन गर्ने कार्यतालिका छ। तर, चार दिनअघि नै निगमले घाटापूर्ति गर्नुपर्ने भन्दै ठुलो अन्तरले मूल्य बढाएको हो।