हावाहुरीले ढलेको रुखले लाग्दा धादिङमा एकको मृत्यु

काठमाडौं– धादिङको ज्वालामुखी गाउँपालिका–४ का करिव ४७ वर्षीय सन्दीप मगरको हावाहुरीले ढलेको रुखले लाग्दा ज्यान गएको छ ।  हावाहुरीका कारण ढलेको रुखले लागेर घाइते भएका मगरको उपचारका क्रममा मृत्यु भएको हो ।

स्थानीयका अनुसार मगर रूखले चेपेर गम्भीर घाइते भएका थिए । उनलाई तत्काल उद्धार गरी उपचारका लागि धादिङ अस्पताल लगिएको थियो । उनको उपचारको क्रममा मृत्यु भएको प्रहरीले जनाएको छ।