गुम्दीमा देउसीभैलोबाट ८४ हजारभन्दा बढी रकम संकलन

धादिङ– गुम्दीमा आयोजित देउसीभैलो कार्यक्रममा ८४ हजार ६ सय ९० रुपैयाँ संकलन भएको छ । लगनशील स्वावलम्बी आमा कृषक समूह गुम्दीको आयोजनामा भएको देउसीभैलो कार्यक्रममा ५९ घरधुरीबाट झण्डै एक लाख रकम संकलन गरिएको हो ।

Advertisement

ताङलिचेत, भिरकुना, कुर्चेत, लामा टोल, घले टोल र एमेन टोलका ५९ घरधुरीले कार्तिके दान (भेटी) स्वरूप उक्त रकम प्रदान गरेको स्थानीय सुष्मा गुरुङले जानकारी दिइन् ।

कार्यक्रममा गङ्गाजमुना गाउँपालिका–३ का वडा अध्यक्ष वडाध्यक्ष राजकुमार गुरुङ, समाजसेवी टोपबहादुर गुरुङ, नरबहादुर गुरुङलगायत स्थानीयको उत्साहजनक सहभागितामा कार्यक्रम गरिएको हो ।

देउसीभैलोबाट संकलित रकम सामाजिक सेवा तथा संस्थाको हितमा प्रयोग गरिने समूहले जनाएको छ ।