कृष्णभीरमा रोकिएका सवारी साधन पास गराइयो

धादिङ– धादिङका विभिन्न ठाउँमा विगत १४ दिनदेखि रोकिएका ट्रकहरूलाई कृष्णभीरको नयाँ ट्रयाकबाट पास गराइएको छ । प्रारम्भिक रूपमा नयाँ ट्रयाकको परीक्षणका लागि रोकिएका सवारीसाधान तथा ग्यास बुलेटहरूलाई पास गराइएको हो ।

Advertisement

अहिले रोकिएका सवारीसाधनलाई सुरक्षित रूपमा पास गराउने काम भए पनि नयाँ ट्रयाक पूर्णरूपमा बनेपछि मात्रै सञ्चालनमा आउने धादिङका प्रमुख जिल्ला अधिकारी लक्ष्मी पाण्डेय (गौतम)ले जानकारी दिएकी छिन् ।

सडकको ग्रेड मिलाउने काम भइरहेको छ । कृष्णभीरमा अहिले दुईवटा बुलडोजर प्रयोग गरी सडक सम्याउने र आवागमनका लागि आवश्यक प्लेटफर्म बनाउने काम भइरहेको छ ।
भोटेकोसी बाढीले सडक कटान गरेर कृष्णभीरमा भासिएपछि राजमार्ग अवरुद्ध बनेको थियो ।