दाङस्थित राप्ती नदीमा बस दुर्घटना (अपडेट) – पाँच यात्रुको मृत्यु

काठमाडौं– दाङस्थित राप्ती पुलबाट यात्रुवाहक बस खस्दा पाँचजनाको मृत्यु भएको इलाका प्रहरी कार्यालय भालुवाङले जनाएको छ ।

Advertisement

मृत्यु हुनेको पहिचान खुलेको छैन । शवहरू गाडीले च्यापिएको अवस्थामा रहेका छन् । शव निकाल्ने प्रयास भइरहेको छ । नेपालगन्जबाट काठमाडौं जाँदै गरेको भे. १ ख ३९१२ नम्बरको यात्रुवाहक बस शुक्रबार करिव राति साढे १० बजेतिर पुलबाट एक्कासि नदीमा खसेको हो ।

बसको आधा भाग पानीमा र आधा बाहिर रहेको छ । दुर्घटनामा घाइते भएकाहरूलाई उद्धार गरेर उपचारका लागि भालुवाङ अस्पतालमा लगिएको छ । अहिले प्रहरी तथा स्थानीय उद्धारमा खटिएका छन् ।