नुवाकोटको तादी खोलामा सेनाले बेलिब्रिज जडान गर्दै

काठमाडौं– रसुवाको भोटेकोशी हुँदै त्रिशूली नदीमा आएको विनाशकारी बाढीका कारण ध्वस्त भएको नुवाकोटको विदुरस्थित तादी खोलामाथि बेलिब्रिज जडान सुरु भएको छ ।

Advertisement

नेपाली सेनाले बेलिब्रिज जडानका कामलाई तिब्र रुपमा सञ्चालन गरिरहेको जनाएको छ । नेपाली सेनाले यही पुलको नजिकै त्रिशूली नदीमाथि तुइन पनि जडान गरिरहेको छ । पुलसँगै सडकमार्ग बगाउँदा नुवाकोटकै केही क्षेत्र र रसुवासँग सडकसम्पर्क टुटेको छ ।