एमाले धादिङको नवौं अधिवेशन सफल पार्न व्यवसायी सिलवालद्धारा दुइ लाख सहयोग

  • २०८० माघ १४, आईतबार (१ महिना अघि)
  • २०२९ पटक पढिएको
एमाले धादिङको नवौं अधिवेशन सफल पार्न व्यवसायी सिलवालद्धारा दुइ लाख सहयोग

धादिङ– नेकपा एमाले धादिङको ९औं जिल्ला अधिवेशन सफल पार्न सिद्धलेक गाउँपालिका–१ का इश्वर सिलवालले २ लाख रुपैयाँ सहयोग गरेका छन् । एमाले धादिङले ‘पार्टीको लागि मेरो योगदान एक सय रुपैयाँको अभियान’ चलाइरहदा सिलवालले भने पार्टी कार्यालयमै आएर दुइ लाखको चेक जिल्ला पार्टी उपसचिव राधिका सापकोटालाई हस्तान्तरण गरेका हुन् ।

पार्टीको अधिवेशन भनेको पार्टीलाई माया गर्नेहरुको ठूलो पर्व भएका कारण अधिवेशन सफल पार्न आर्थिक सहयोग गरेको उनले बताए । ‘एक सय जम्मा गरेर पार्टीको अधिवशेन गर्न पनि गाह्रो छ । अहिले मन्दिको बेला पनि छ’ उनले भने– ‘म व्यवसायी हुँ । पार्टीलाई भनेजति समय दिन पनि सकेको छैन । तर पार्टीप्रति मेरो माया र साथ उस्तै छ । पार्टीप्रतिको मायाँ र निकटताले नै मैले पार्टीलाई दुइ लाख रकम सहयोग गरेको हुँ ।’

‘पार्टीले विश्वास गरेर गत स्थानीय तहको निर्वाचनमा पनि टिकट दिएको थियो । अहिले पनि म राष्ट्रिय युवा संघ नेपाल सिद्धलेक गाउँपालिकाको तदर्थ समितिको संयोजक हुँ’ उनले भने– ‘अरु साथीहरुले रात दिन नभनि पार्टीलाई समय दिएका छन् । मैले आर्थिक हिसावले सहयोग गरेँ । हामी सबै मिले नेकपा एमाले धादिङको ९ औं जिल्ला अधिवेशन भव्य रुपमा सफल बन्नेछ ।’

लेखकको बारेमा

  • स्रोतहरू खुलाइएका बाहेक नेपालपथ मिडिया नेटवर्क द्वारा प्रकाशित सम्पूर्ण सामग्रीहरू नेपालपथ डट कमका सम्पत्ति हुन् ।

    लेखकबाट थप
  • तपाइंलाई यो खबर पढेर कस्तो लाग्यो? मन पर्यो
    मन पर्यो खुशी अचम्म उत्साहित दुखी आक्रोशित
    ९%५%३%१%१%

    खोजी गर्नुहोस

    ताजा अपडेट